اليكم 180 سؤال للتعارف قبل الزواج
1-اشنو سميتك ومنين نتا ولانتي وشحال فعمرك ؟
-----
فاش خذام ولا فاش خذامة وكيفاش حصلتي على ديك لخذمة-2
---
اشنو هو الهدف ديالك ف الحياة او الحاجة لي باغي تحققها فحياتك-3
---
كيفاش داير ستيل ديالك حجاب ولا عصري الخ-4
--
اشنو هي مواهب ديالك او الهوايات تاعك-5
--
اشنو هو اختيار ديالك الحب واخا اكون لبعد ولا الحب ولكن ميكونش لبعد ولا مباغيش الحب نهائيا فحياتك ؟-6
---
اشنو كتفضل التعارف اولا قبل الخطوبة او الخطوبة عاد التعارف او الزواج مباشرة؟-7
---
8-واش حاليا كاين شي واحد ولا وحدة ف قلبك ولا نو؟
--
واش مزوجة ولا مطلقة ولا اونكوبل ولا مزال والو؟-9
--
شحال دامت علاقة حب لي كانت قبل؟-10
----
اشنو كتفضل زواج مرتب ولا زواج عن حب؟-11
----
اشنو هما المواصفات لي تحب اكونو ف فارس احلامك؟-12
----
اشنو النوع ديال الناس لي كتحب وترتاح ليهم ؟-13
----
اشنو لحاجة لي غتخليك تبغي شي حد ؟-14
--
اشنو هي المواصفات لي مكتحملهاش اكونو ف بنادم؟-15
--------
واش الزين ولا جمال الوجه عندك مهم بزااف ولا شوية ولا لا؟-16
----
الى جاك اختيار تختار بين حب قلبك ولا لفلوس اشنو تختار؟-17
-----
الى تلاقيتي شاب قالك تصبري معايا واحد عامين ولا ثلاث سنين عاد نجي نخطبك واش توافقي ولا ترفضيه ولا تقولي اه وتستغليه؟-18
----
اشنو هو الزواج بنسبة ليك ؟-19
---
واش نتي من النوع لي تفكر تهلا ف عكوزتها وديرها بحال لواليدة ولا نتي من النوع لي تبغي تسكن بوحدها وتبعد عليها؟-20
----
اشنو هما الشروط ليغاذي تقوليهم لراجلك عند لعدول؟-21
----
الى نتي عربية وقالك راجلك بغيتك تعلمي شلحة باش نعلموها لولادنا واش تقبلي 22-ولا لا؟
---
واش نتي من النوع لي عندها اصدقاء غير لبنات ولا نوع لي كتعرف بزاف دراري غير من فايسبوك ولا من النوع لي كتعرف دراري فالواقع ومرة مرة تخرج معاهم؟-23
----
واش حاليا عندك شي شخص عزيز بزااف وكتعودي ليه كلشي على حياتك؟طاكيه-24
----
اشنو هي الخذمة لي تيخذموها مالن دار ديالك ؟-25
-----
26-اشنو هما اجمل الصفات فيك ؟
----
27-اشنو هنا اخيب صفات فيك ؟
---
28-اشنو هي الحاجة لي باغي تحيدها فشخصية ديالك؟
----
واش تبغي شريك حياتك اكون متدين بزااف ملتزم ولا عادي ولا غي شوية؟-29
----
فاش تزوجتي تلاقيتي مع شخص زوين بزاف وعندو فلوس وعرض عليك تخلي راجلك لي على قد لحال واش تمشي معاه ولا لا جواب اكون صريح؟-30
-----
31-راجلك قالك ممنوع الفيسبوك وتيليفونك ديما اقلبو واش تقبلي ولا ترفضي؟
----
واش مبلي بشي حاجة الى قلتي ايه اشنو هو نوع الادمان لي عندك؟-32
----
واش فايت ليك درتي شي حاجة ونتي نادمة عليه بزااف واشنو هي؟-33
----
واش كتصلي وكتفكر ديما فالقبر والموت ولا نتي من نوع لكتقول ربي اهدينا وممسوقاش ؟-34
-----
اشنو كيعجبك تلبسيه عن حب النقاب ولا الخمار ولا حجاب عادي ولا لمزير ولا لقصير؟-35
----------------
اشنو هما اغاني لي كيعجبوك بزاف؟-36
------
اشنو هما نوع ديال افلام لي تيعجبك؟-37
------------
اشنو هما نوع ديال المسلسلات لي تيعجبوك؟-38
------
اشنو هنا الوان المفضلة عندك؟-39
-----------
وصف لينا المظهر ديالك لون عنيك وطول والوزن ديالك وشعرك رطب ولاعادي ولا قاسح والعرض ديالك ونوع البشرة اسمر ولابيض ولا اسود؟-40
------
شحال باغية اكون عندك ديال لولاد واشنو تسميهم؟-41
----
اشنو كيعجبك تسكني فيه لبلاد بين جبال ولا لمدينة؟-42
-----
عكوزتك فاش تشرف غاذي تحتاج لي اطيب ليها ويحن فيها واش غتهلاي فيها ولا نتي من نوع ليغاذي طلب من رجلها اجيب ليها خذامة ولا اصيفتها لدار لعجزة؟-43
-------
واش نتي من نوع لي تفتاخر انها دير داكشي لي تيقولها راجلها وتسمع كلامو ولا نتي من النوع لكتفكر بالمساواة بزاف ومنافسة الرجل وكدير داكشي ليبغات؟-44
----
واش نتي من النوع اللي عزيز عليها طيب وتشقا وتهلا فالدار ولانتي من نوع لمعكازة ليبغات راجلها ابقى ادخل معها لكوزينة اعونها؟-45
-----
راجلك جا لدار طالع ليه الدم وغوت عليك كيفاش غاذي تصرفي؟-46
---
كيفاش كتشوفي لمرا خاص تعامل راجلها واش تحكم فيه اديرليها ليبغات ولا هو لي احكم وكلامو مسموع؟-47
----
واش كتفكري تربي ولادك على الحجاب والدين ولا على العصري ولحماق؟-48
---
راجلك قالك متخرجيش بلا خبارو واي حاجة غذيريها خاصك تشوري معاه واش تقبلي هادشي ولا ولا؟-49
-----
ولدك كيبكي بزاف مبغاش اسكت وعصبك واش غاذية تصبري معاه ولا غتسلخيه ولا تحاولي تسكتيه بشي طريقة-50
----
اشنو هو المثال لي كيعجبك ؟-51
-----
اشنو هو الفصل المفضل عندك واش صيف ولاشتا ولا لبرد ولاثلج؟-52
----
واش وقعات ليك شي حاجة لي مرضاتك فحياتك واشنوهي؟-53
-----
واش تقبلي راجلك اكون كيخذم بعيد عليك ومكيجي حتى دوز سيمانة ولاعشرة ايام؟-54
-----
الى راجلك ملقاش باش اجيب لك لخروف دلعيد واش عندك نتي حاجة عادية ولا ضروري تباني على جيران؟-55
------
واش نتا ولانتي اجتماعي ولا نوع الوحداني المنعزل ولا بينوبين؟-56
-----
واش نتا ولا نتي من النوع لي كتهضر بزاف فالمواقع وشوية فالواقع ولا لعكس ولا بزااف فكلشي ولا شوية فكلشي؟-57
------
واش نتا ولا نتي من النوع لي سكوتية بزاف ولا لفيها هضرة بزااف؟-58
------
واش نتا ولانتي نوع لكتعرض لتنمر وكتبقى ساكتة ممسوقاش واخا كيضرها خاطرها ولا نوع لي كتغوت عليهم وتوقفهم عند حدهم؟-59
-----------
فين كدوزي اوقات الفراغ ديالك واشنو كديري فيه؟-60
---------
واش نتي من النوع لي كتبكي فاش كتشوف ناس خرين كيبكو وكضحك فاش كتشوف ناس كيضحكو?-61
-----
واش ديما كتشوفي لمستقبل وكتوجدي ليه وكديري خطط احطياطية ولا نو؟-62
----
واش نتي من النوع ليكتبقى هادئة واخا اكون عليها ضغط كبير؟-63
----
فالتجمعات ديال الناس نتا ولانتي كتكوني منفاتحة وكتهضري مع الغرباء بشكل عادي ولا نتي من النوع الخجولة وللي مكتحملش كتراث بنادم وكتهضر شوية؟-64
----
واش نتي لي حنينة بزاف دموعها على سبة ولا نتي نوع لي مسمومة وكتجبد صداع على سبة؟-65
-----
واش كتبع بزااف قلبك ولا عقلك ؟-66
------
واش نتي من النوع لي تيكون صعيب عليها تاخذ شي قرار؟-67
-----
واش نتي نوع لي كتقلق بزااف وكتفكر بزااف لحاجة بسيطة ولا عادي نيشان-68
-----------
اشنو هي اماكولات ليتعجبك ولي مكتعجبكش؟-69
---------------
اشنو هي اسعد لحظة واسواء لحظة فحياتك؟-70
-------
شحال دامت اطوال علاقة حب فحياتك واشنو سبب لفراق؟-71
-----
اشنو هي الحاجة لي تخليك اسعد انسان فهاد الحياة؟-72
-----
اشنو هي اكثر حاجة كتخلعك وكتخوفك؟-73
-------
اشنو هما المواقف لي مكترتحيش فيهم ؟-74
-----
واش كتشوفي بلي الرومانسية ولكلام زوين ضروري فعلاقة حب ولا ولا؟-75
------
واش نتي من النوع لي رومانسية بزااف ولا شوية ولا الجمود العاطفي؟-76
-----
اشنو هي العادات لي فيك ولي نتا ولا نتي معروف بهم؟-77
----
فاش كتكون حزين بزاف او طالع لك الدم بزاف اشنو كدير باش تبردي على راسك؟-78
----
واش مزال كتهضري مع الشخص لي كنتي تفرقتي معاه؟-79
----
انت كيف تنوي ان تعامل زوجتك وانتي كيف تنوين معاملة زوجك؟-80
-----
اذا رجع بيك الزمان للوراء واش كاينة شي حاجة تحب تصححها؟-81
------
واش عمرك تفرجتي ف انمي اشنو هي شخصية لي كتمثلك؟-82
----
اشنو هو الرجل الحقيقي بالنسبة ليك؟-83
----
فالفايسبوك كيجوك بزاف ديال لميساجات كيفاش كتختاري شكون تجوبيه وتعارفي عليه وشكون لي تخليه بلاكة ومتجوبيهش؟-84
----
الى دخلتي فعلاقة حب وقالك حبيبك غاذي تبلوكي كاع دراري لي عندك وتعطيني كود ديال حساب ديالك واش تقبلي ولا لا؟-85
----
الى تلاقيتي مع واحد كيبغيك وكيغير عليك وقالك متهضريش مع دراري لا بريفي لا تعليقات ولا لواقع ولا فحتى شي بلاصة واش توافقي بكل حب ولا توافقي غير ديري ليه خاطرو ولا ترفضي؟-86
----
الى قلقك حبيبك بشي كلام واش نتي من النوع لي كتقلق بزااف على سبة ولا نتي من نوع لي كدير راسها بحال مسمعات والو وكتكمل معاه بحب ولا نتي من النوع لي كتشد فقلبها وتحقد عليه؟-87
----
فالفيسبوك واش نتي من النوع لي دغيا كدير لبلوك واخا تكون غير شي كلمة معجباتكش ولا شي حاجة قلقاتك وكتبلوكيه على سبة ولا نتي من النوع لي كدير بلوك غير الى كان شي سبب كيجرح ديال بصح بحال لخيانة ولا نتي من النوع لي مكديرش لبلوك وكتحاول تصلح الامور بالعقل؟-88
----
اشنو هما الحشرات لي مكتحمليهومش؟-89
-----
اشنو هنا الحيوانات المفضلة عندك ومتكرهش اكون عندك؟-90
-----
اشنو هو اسم الفيلم ولا المسلسل لي كيقتلك بالضحك؟-91
------
اشنو هو افضل فيلم ومسلسل تفرجتي فيهم فحياتك؟-92
------
اشنو النوع ديال رجال كيعجبوك عضلات كبيرة ولا متوسطة ولابنادم عادي ولا بوكرشة؟-93
------
كيفاش كتمناي فارس احلامك اكون طويل عليك ولا مقاد معك ولا قصير عليك؟-94
----
شحال هو فارق ديال السن لي بغيتي اكون بينك وبين زوجك المستقبلي؟-95
-----
اشنو هو الحيوانات لي متحملهومش؟-96
-----
كيفاش كتفكري تعاملي مع لفلوس مورا زواج ديالك واش نتي من النوع ليكتشري ليبغات ومكتسوقش وكتخسر بزااف ولا نتي من النوع لكتفكر تقتاصد وتنفق غير شوية وتعاون راجلها فجميع فلوسو؟-97
-----
واش نتي من النوع لتبغي دير لخير وكيبقى فيها لمسكين ولانتي من النوع ليكتقولك هادوك كذابة وكتجري عليهم؟-98
-----
الى نتي مزوجة ودخلت عندك جارتك كدوي بالسوء على رجال وكتقوليك ديري ليه فعلي ليه ومفيهمش ثقة واش نتي من النوع لي كتيق بحال دير لهضرة وتبعيها فداكشي لتقولك ولا غتقولي ليها لا حبسي وتوقفيها عند حدها؟-99
------
الى كنتي مزوجة وجاء عندك خو راجلك لدار واش نتي غتحلي ليه لباب باش اجلس اتسنا راجلك ولا غتقولي ليه لا منقدرش نحل لك حتى ايجي راجلي ولا نتي عندك عادي تجلسي معاه تجمعي معاه تا ارجع راجلك؟-100
----
اشمن النوع ديال المبادئ والاخلاق غتربي بهم ولادك وكيفاش غاذي تعاقبهم الى دارو الشغب؟-101
----
كيفاش غاذي دير تربي ولادك على الصلاة واش ضربهم عليها ولا شي طريقة اخرى؟-102
----
واش نتي من النوع ليغاذي تساند ولادها وراجلها نفسيا ولا غير زواج عادي كل واحد اديها فراسو؟-103
-----
واش كتشوفي راسك عندك لخاطر للولاد وتحبيهم بزاف ولانتي من النوع لي كتعصب دغيا ومعندهاش لخاطر ليهم؟-104
-----
الى كتاشفتي مورا زواج ان راجلك مكيولدش وعندو شي مشكيل واش تصبري وتكملي معاه ولا تقوليه صافي نتفارقو ولا تجيبو طفل من خيرية ؟-105
-------
فاش اكون عندك طفل رضيع واش نتي غاذي تصبري عليه فاش افيقك بليل وتسكتيه غير بوحدك ولا غاذي تعاوني مع راجلك مرة اسكتو هو مرة نتي؟-106
----
اشنو هو المستوى الدراسي ديالك وفاش خرجتي؟-107
-----
واش نتا ولانتي سعيدة فحياتك حاليا ومخاصك والو؟-108
----
الى بغيتي تعتذر لش حد شكون غيكون؟-109
----
الى كنتي حاليا باغي تبكي علاياش غتبكي؟-110
----
صديق عزيز وغالي ولا حبيب قلبك شكون تختاري فيهم؟-111
----
واش نتي من النوع لي لحزن كدمر حياتها وكتولي منغلقة على راسها ولا نتي من النوع لي كتحزن شوية وصافي كتحاول تقبل داكشي وتكمل حياتها؟-112
----
مستحيل نساك لمن تقوليها؟-113
----
الى حبيبك دار لك بلوك واش نتي من النوع لي تحاول دير حساب جديد وتواصل معاه وتحاول تصالح معاه ولا نتي من النوع لي مكتسوقش وكتمشي تكمل حياتها بحال ماوقع والو؟-114
----
واش نتي كتامني بلي الصداقة او الاخوة اقدر تحول للحب ولا لا؟-115
-----
الى كنتي نتي هي ملكة ديال لبلاد اشنو غاذي تبدلي؟-116
----
واش لباس ديال الرجل والاناقة ديالو حاجة مهمة بالنسبة ليك ولا المهم عندك هو القلب؟-117
----
اشنو تختاري بكل صراحة لفلوس بزاف ولاحب من لقلب ولامكيهمكش؟-118
----
اشنو هو اجمل اسم ولد واسم بنت بالنسبة ليك؟-119
---
ربحتي فلوس بزااف اشنو تبغي ديري بهم؟-120
-----
واش نتي من النوع لي كيجيها الملل بزاف كتمل من الحب كتمل من كلشي وديما كتبغي تحيد الملال وكتبغي تخرج ودوران ولانتي من النوع لي معندها تا مشكيل مولفة الدار وكتعرف تحيد الملل واخا تكون بوحدها فالدار؟-121
-----
بالنسبة لك شكون هو الله وعلاش خلقنا؟-122
----
واش نتي من النوع لكتامن بزاف بالجن وكتخاف فالضلام وفاش تكون بوحدها ولانتي من النوع ليكتقول داكشي غير تخربيق وممسوقاش؟-123
----
اشنو هي الحاجة اللي كيشوفوها الناس فيك وكيفهموك غلاط؟-124
----
اشنو هو احسن كادو جاك وشكون جابولك؟-125
----
اشنو هي النعمة الموجودة فحياتك وديما تشكر الله عليها؟-126
----
فاش كيجو عندكم بزاف ديال الناس ونتي وسطهم واش هي حاجة كتفرحك وتريحك ولا هي حاجة لي كتوترك ومكتحسش بالراحة؟-127
----
اشنو غاذيري باش تقنعي عكوزتك انك زوجة مناسبة لولدها؟-128
----
اشنو هو الحب بالنسبة ليك؟-129
----
اشنو هي نوع الكتب لي كيعجبوك واشنو اسم افضل كتاب قريتيه؟-130
----
اشنو هي انواع الرياضات لي كيعجبوك وتحب تمارسها مع حبيبك؟-131
-----
اشنو لي عزيز علك بزاف تكونيكتاي به واش الهاتف ولا الحاسوب ولا طابليت؟-132
----
كاينين بعض الالعاب لي تقدري تلعبيهم مع حبيبك اشنو هما هاد العاب الكترونية لي عجبوك تلعبيهم معاه؟-133
-----
في شهر العسل اشنو هما اجمال اماكن كتمناي تمشي ليهم؟-134
---
الى راجلك قالك انا عندي لخذمة منقدرش نخرجو لشهر عسل واش عندك عادي ولا حاجة ضرورية من دوران؟-135
----
راجلك قالك نتزوجو بلا مانديرو لعرس ونضيعو فلوسنا واش غتوافقي ولا ضروري بغيتي تفرحي براسك؟-136
----
رجلك فالخطوبة تافق معك باش تبقاي تصلي قيام الليل معاه وتكوني متدينة وتشدي معاه طريق الله واش تقبلي ولاترفضي هكاك؟-137
----
فالورث راجلك وخوتو قسمو داكشي ومجاهش فلوس بزاف واش نتي من النوع لي توقف مع راجلك وتقولي ليه ماشي مشكيل ولانتي من النوع ليغاذي تبقى تحرش راجلها على خوتو باش اعطوه فلوس كثر؟-138
----
عائلة راجلك واش نتي من النوع ليكتفكر دير معاهم صلة الرحم وتحسبهم بحال عائلتها الثانية ولانتي من النوع لي مكتحملش عائلة راجلها حيث غريبة عليهم وكتحاول تجنبهم؟-139
----
راجلك مصلاش الصلاة واش بالنسبة ليك عادي اضبر لراسو ولاغاذي تفكريه وتخاصميه باش ميخليش الصلاة تاعو؟-140
-----
شحال من حساب فايسبوك عندك بكل صراحة وعلاش دايرة كثر من حساب واحد؟-141
-------
اشنو هما حسابات ديالك ف مواقع اخرى انستا وسناب وبانتريست الخ؟-142
-----
واش كتقراي القران كتاب الله كل يوم ولا بعد لمرات ولا ناذرا؟-143
----
من اكثر اسباب الحزن والكابة هو البعد عن الاذكار واش كتقراي اذكار الصباح والمساء وعند النوم؟-144
-----
كانو كيعيطو ليك بشي لقب اشنهو واشنو القصة تاع داك اللقب؟-145
-----
اشنو هو الموقف لي دزتي منو وقتلك بالضحك؟-146
-----
قوليا شي نكتة لي تموت بالضحك هه؟-147
----
اشنو هما افضل المشروبات عندك؟-148
----
اشنو هما الحوايج لي كيقلقوك بزاف ومتبغيش حبيبك اديرهم؟-149
----
شحال باش كدوش كل يوم ولا كل ثلاث ايام ولا كل اسبوع ولا كل خمسة عشر يوم؟-150
----
واش نتي من النوع لي كتغسل سنانها دائما ولا بعد لمرات ولا ناذرا؟-151
----
واش نتي من النوع لي كتبقى تقلب على لعشوب ديال لغلاض وتجميل وداكشي ولا عادي الجمال ديال الله؟-152
-----
واش فايت لك بكيتي بحرقة علاش وشنو السبب؟-153
----
واش كتهضري مع راسك بزاف فاش كتكوني بوحدك ولا نو عادي؟-154
----
اشنو هو اكثر حاجة جنونية درتيها فحياتك صدمات كلشي؟-155
-----
اشنو هي القدوة تاعك فالحياة من غير رسولنا الكريم لانه قدوتنا الاولى؟-156
----
اشنو اسم الدولة لي كتمنى تعيش فيها لو كانت الفرصة؟-157
----
اشنو اسواء حلم حلمتي به فحياتك وخلك تفيق كتبكي؟-158
-----
اشنو هو اجمل حلم حلمتيه خلاك فرحان بزااف وتمنيتي كن كان واقع؟-159
----
الى كنتي كتصبني وخسرات لك الماكينة واش تقدري تكملي بيديك عادي ولا غاذي تصيفتي داكشي للمصبنة؟-160
---
واش نتي من النوع لي نعاس ديالها خفيف دغيا كتفيق ولا نتي من النوع لي كتنعس ثقييلة واخا تجرها متفيقش وكتعكز تنوض من لفراش؟-161
-----
واش كتشوفي راسك بنت حادكة كتعرف دير كلشي ولا كتعرف غير شوية ولانوع لي مكتحملش لكوزينة اصلا؟-162
-----
اشنو هي اول حاجة كطيح على بالك فاش كتفيق الصباح؟-163
---
كلنا تعرضنا للخيانة ولكن واش مستعدة تبني ثقتك من جديد؟-164
----
اشنو هو الكلام لي مكتحملش اقولو لك شي واحد وكيجرحك بزاف؟-165
---
شكون هو اكثر معلم قراك وكتكرهو واشنو السبب؟-166
-----
في ايام الدراسة اشنو هي المادة لي عزيزة علك بزاف ولي معندكش معاها؟-167
----
غتكون خسرتي شي صديقة عزيزة علك اشنو السبب؟-168
----
قولينا شي حاجة على راسك لي تا حد مكيعرفو غيرك؟-169
-----
صحبتك دارت حفلة فيها بنات ودراري واش نتي عادي تمشي تحتفلي معاهم ولا غتشرطي عليها اكونو لبنات فقط ولا غتبعدي من ديك لحفلة ومن بحال داك نوع ديال الصديقات؟-170
---
اشنو هو اقرب صديق لقلبك؟ طاكيه-171
----
فايت سلخاتك ماماك مزياان اشنو كان السبب؟-172
----
اشنو هو المقلب لي كانو داروه ليك؟-173
---
كيفاش كتبيني للشخص انك كتبغيه من خلال الفايسبوك؟-174
----
اشنو هي اصعب مرحلة دازت فحياتك؟-175
----
واش تقدري تبغي شي حد من الفايسبوك واخا اكون البعد؟-176
----
واش كاين فحياتك شي شخص لي متقدرش تقوليه لا؟-177
---
اشنو هي الحاجة لي غيرات ليك النظرة للحياة؟-178
---
الى شي حد بغيتيه بزاف وسمح فيك واش تقبليها عادي وتحاولي تنساي ولا تنتاقمي منو ودمري حياتو؟-179
---
اشنو هما بعض التصرفات لي مكتحمليهمش اديرهم حبيبك؟-180
----
من مجهودنا الخاص
المؤلف ياسين اكرام
تابعوني على قناة Yokagi او yassine agourram HD
Wow nice
ردحذف